EN
Saeculo quarto diversae exp!icationes ad tres personas divinas pertinentes inter Christianos propagatae sunt. Qua ratione scriptores ecclesiastici impulsi sunt ad divinas personas pressius investigandas. Quorum Basitius Magnus formulam trinitariam statuit, i.e. mia ousia kai treis hypostaseis. Vox ousia Trinitatis essentiam significat, et vocabulum hypostasis ad personas divinas attinet indicatque differentiam inter eas. Hanc doctrinam trinitariam suscepit Gregorius Nazianzenus, qui in suis operibus solum quinquies Basilii formulam adhibuit. Saepius ad Trinitatis descriptionem vocibus physis et treis idiotetes usus est. Gregorii attamen institutio de trinitariis appellationibus profundius investiganda est.